tun-tunisia



انضم إلى المنتدى ، فالأمر سريع وسهل

tun-tunisia

tun-tunisia

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
tun-tunisia

بحـث

 
 

نتائج البحث
 

Rechercher بحث متقدم

سحابة الكلمات الدلالية

المواضيع الأخيرة

» التمساح ... في تون تونيسيا
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 4:55 pm من طرف tn-shooter

» موضوع موحّد لجمع ستاتيات الفايسبوك
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 3:52 pm من طرف LM10

» فيديو لاعب تونسي هو مفاجاة الموسم للكرة الفرنسية
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 5:01 am من طرف tn-shooter

» كرة قدم عاجل ورسمي : ليفربول يضم النجم المغربي أسامة السعيدي
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 4:58 am من طرف tn-shooter

» فيديو أهداف مباراة الأرجنتين و ألمانيا
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 4:55 am من طرف tn-shooter

» فيديو أهداف مباراة إيطاليا وانكلترا
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 4:54 am من طرف tn-shooter

» فيديو أهداف مباراة البرتغال وبنما
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 4:52 am من طرف tn-shooter

» كرة قدم الترجي الرياضي: هل تكون الأولى لليبري في سوسة؟
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 4:49 am من طرف tn-shooter

» كرة قدم النجم الساحلي: 9200 تذكرة على ذمّة الأحبّاء..
مشاكل من مجتمعنا (3) : يا شارب الخمر ألا تتوب ؟ Emptyالجمعة أغسطس 17, 2012 4:46 am من طرف tn-shooter

مايو 2024

الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
2728293031  

اليومية اليومية

التبادل الاعلاني


انشاء منتدى مجاني



face

دخول

لقد نسيت كلمة السر

تصويت


    مشاكل من مجتمعنا (3) : يا شارب الخمر ألا تتوب ؟

    molecules
    molecules
    molecules
    مشرف منتدى ألعاب الفيديو و صيانة الاجهزة
    مشرف منتدى ألعاب الفيديو و صيانة الاجهزة


    عدد المساهمات : 103
    نقاط : 21837
    السٌّمعَة : 1
    تاريخ التسجيل : 29/07/2012
    العمر : 30
    • مساهمة رقم 1

    مشاكل من مجتمعنا (3) : يا شارب الخمر ألا تتوب ؟ Empty مشاكل من مجتمعنا (3) : يا شارب الخمر ألا تتوب ؟

    مُساهمة من طرف molecules الخميس أغسطس 16, 2012 2:01 am

    بسم الله و الحمد لله و الصلاة و السلام على سيدنا رسول الله و على آله و صحبه و من والاه ،

    أحبتي في الله ، نلتقي اليوم مجددا في موضوع جديد نتناول فيه ظاهرة جديدة من المظاهر المتفشية في مجتمعنا ، راجين من الله أن يكون هذا الموضوع سببا في التوبة منها و العودة إلى طريق الجادة .

    اليوم إن شاء الله نحب نحكي عل الشراب و الخمر اللي صار منتشر فينا و بيننا إنتشار النار في الهشيم و أصبح و للأسف وسيلة المتعة و الترفيه عند شبابنا و كهولنا ..
    من المعلوم شرعا أن الخمر حرام و هو كبيرة من الكبائر التي تجب منها التوبة الصادقة و سيدي النبي عليه الصلاة و السلام سماها أم الخبائث . علاش ؟ لأنها هي السبب في المصائب البقية الكل . كيف ما قصة الراهب في بني إسرائيل يعبد في ربي سنوات و سنوات .. حاروا كيفاش يغريوه ، شي . قوة إيمان وعزم . جاو لغانية من بني إسرائيل قالتلهم أنا اللي نطيحو . أش عملت ؟ عرضتلو نفسها ؟ لا و لكن أعطاتو كأس خمر أذهب عقله ، فزنى بالمرأة و قتل إبنه و في كأس بركا عمل ثلاث معاصي أو قل ثلاث كبائر و كان جا ثما حاجة أخرى راهو عملها . علاش ؟ لأنو مخو راح و أصبح كالبهيمة ما يفرقش بين الخير و الشر .

    عاد و لهذا ، الإسلام و الشريعة السمحة حرموا الخمر تحريم قاطع و أقاموا على شارب الخمر الحد اللي هو ما بين 40 جلدة و 80 جلدة أمام الناس . باش يعرفو الناس اللي الشخص هذاكا شهادتو ساقطة و إنو ماهوش في مستوى التكريم الإلاهي . تي هو ربي سبحانو باش كرمك يا إنسان ؟ تي ماهو بالعقل ؟ و إنت أش تعمل ؟ تمشي بكاس نجاسة تغيبو و تصبح كالأنعام بل أضل سبيلا لا تفرق بين حق و باطل و لا بين خير و شر .

    إنت يا شارب الخمر ، تعرفش إنك تعمل في كبيرة من الكبائر و إنو لو كان يقدر عليك ربي و تموت و إنت تعاقر في الخمرة فإنك تبعث عل الحالة هاذيكا . إتصور نفسك نهار أخر وقت اللي الخلق الكل مذعور و مفزوع و اللي هذا يلوج في أقل حاجة خير عملها في الدنيا متاعو باش يمنع من عذاب جهنم و من حر ذلك اليوم ... وقتها إنت تقوم و رائحة أم الخبائث تفوح منك . إتصور نفسك و إنت واقف قدام سيدي و سيدك و هو يسأل فيك: يا عبدي أين صرفت أموالك ؟ تقولي يا ربي راني صرفتها في الشيخات و التفرهيد ! صرفتها باش نغيب عقلي و نزنى و نسرق و نقتل ؟ صرفتها في الحانات و أنا نسمع في الأذان يأذن البرا و أنا عامل ما أغناني !! صرفتها و أنا شادد الدبوزة شراب و ندور بيها في الثنية و العباد و الملائكة و مخلوقاتك الكل تلعن فيا !! وقتها أش مش تقول إل ربي ؟ و كتابك هذاكا اللي باش تلقاه ممدود كتابك . يا هل ترى تنجم الموقف وقتها و الشمش هاذي اللي نتخباو منها في الصيف تلقاه فوق راسك باش تنقبهولك و الملائكة الواحد فيهم النيب متاعو قد جبل أحد و هوما يشدو فيك باش يهزوك للنار . وقتها أش تقول ؟ هاو ربي قالك أش تقول :تقول " ما لِهذا الكتَابِ لا يُغادِرُ صغيرةً و لا كبيرةً إلا أحصاها" و تتمنى وقتها و تقول ربي أرجعني أعمل صالحا ... و يا حسرتاه وقتها قضي الأمر و لا عاد فما رجوع و لا عمل ...

    يا شارب الخمر ، ها النعيم اللي توا تحس بيه و عامل روحك شايخ بيه ، نهار أخر في غطسة من جهنم تنساه الكل و تقول كأني لم أر يوما نعيما ! إنت و صحابك اللي توا يزينولك في الأمر و يستدعاو فيك زعما زعما عايشين وقتكم و متطورين .. نهار أخر تقولو لبعضكم : " يا ليتَ بيْني و بينَكَ بُعدَ المشرِقَينِ فبئْسَ القرين" .

    يا شارب الخمر ، سألتش نفسك نهار ، ها الفلوس اللي تشري بيها في الشراب أشكون عطهالك ؟ سألتش روحك نهار و إنت عامل فيها باندي و ما تخاف من حد أش كون عطاك القوة هاذي ؟ سألتش نفسك كان و إنت تشرب في الشراب جاك عزرائيل و هزلك روحك أش مش تعمل ؟ و إنت تشرب في الشراب جاتك وجيعة في كرشك و إلا تسدلك عرق في مخك أش مش تقول ؟؟ يا ربي ؟ تحشمش على نفسك تهز يدك لمولاك و تدعيه و إنت تعصي فيه و تعمل في اللي قالك ما تعملوش ؟؟؟

    يا شارب الخمر ، أعرف إنك على خطر عظيم و راهي الدنيا هاذي فانية فارغة . ممكن توا تعمل فيها عايش و متطور و متفتح و لكن عمرك يجري و النهار اللي يمشي ما يجيش و الدقيقة اللي تضيع ما ترجعش و من بعد ما يقعدلك كان فعلك و ما يفيدك حد لا بوك لا أمك لا أصحابك .. ما يفيدك كان أش عملت بيديك .. توب إل ربي فإن باب التوبة مفتوح و قول يا ربي يا خالقي و يا راحمي إرحمني و إغفر لي ..قولو يا سيدي راني غلطت و ندمت و هاني جيتك تايب راجع ليك .. بقدرة ربي يغفرلك و يرحمك و تعيش متهني و تضمن النجاح في الدنيا و الأخرة .

    جعلنا الله ممن نستمع القول فنتبع أحسنه و رزقنا حسن الفهم و القصد في العمل و السلام عليكم و رحمة الله و بركاته .
    • الرجوع الى أعلى الصفحة

      الوقت/التاريخ الآن هو الجمعة مايو 17, 2024 11:34 am